உனக்காகவே நான்

வாழ்க்கை நெடுக வருவதாய் வாக்களித்தவளே .....

இன்று நீ கொடுத்த வலிகள் மட்டும் தானே

என்னோடு வந்து கொண்டிருக்கிறது.....

என் பெயரோடு உன் பெயரை

இணைத்து எழுதி ரசித்தாயே....

ஒன்றாய் அமரக்கூடாதென...

ஆசிரியர் தடுத்தும் அசராமல் அமர்ந்து

என் பொருட்டு அடி வாங்கினாயே......

எனக்கு வராத கணக்கு பாடத்தில்

நீயும் தோல்வி அடைந்து

துணை நின்றாயே ...

வகுப்பு மாணவிகளின் கேலி பேச்சிலும்

என் கரம் பற்றியே

வகுப்பில் அமர்ந்தாயே...

எனை விட்டு பிரியக்கூடாதென....

ஒரு முறை உறுதி மொழி கூட வாங்கினாயே......

அத்தனையும் மறந்து

எனை ஆறாத் துயரில் தள்ளியவளே....

உன்னையே நினைக்க வைத்து

என் உளன் மறந்து போனவளே ....

உன்னை தேடி..

உன் வாசல் ஏறிய போதெல்லாம்.....

உயிரை குடிக்கும் வார்த்தைகளால்

எனை கொன்ற பின்பும்...!

உனக்களித்த உறுதிமொழியின் படி....

இன்று வரை உன் நினைவோடு தானடி வாழ்ந்து வருகிறேன். ...

கவிதாயினி சத்யா